ထို့ကြောင့် ANFREL အဖွဲ့ကို လာမည့် နိုဝင်ဘာ ၇ ရက်နေ့တွင် ကျင်းပမည့် မြန်မာပြည်၏ ရွေးကောက်ပွဲနှင့်ပတ်သက်၍ အကူအညီပေးနိုင်၊ မပေးနိုင်၊ ၎င်း ရွေးကောက်ပွဲအပေါ် အမြင်သဘောထားနှင့် ရွေးကောက်ပွဲ ပွင့်လင်းမြင်သာမှု ရှိ၊ မရှိ စသည်တို့ကို ဧရာဝတီက ဆက်သွယ်မေးမြန်းထားပါသည်။ မေး။ ။ လာမယ့် နိုဝင်ဘာ ၇ ရက်နေ့ ရွေးကောက်ပွဲမှာ လေ့လာသူအဖြစ် ကူညီ ဆောင်ရွက် ပေးနိုင်တယ်ဆိုတဲ့ အကြောင်းကို ANFREL အနေနဲ့ ပြည်ထောင်စုမြန်မာနိုင်ငံ ရွေးကောက်ပွဲကော်မရှင်ကို ဆက်သွယ်ပြောဆိုခဲ့ဖူး ပါသလား။ ဆက်သွယ်ခဲ့တယ် ဆိုရင်ကော ရွေးကောက်ပွဲကော်မရှင်က ဘယ်လိုတုံ့ပြန် ခဲ့ပါသလဲ။
ဖြေ။ ။ ANFREL အနေနဲ့တော့ ရွေးကောက်ပွဲကော်မရှင်ကို ဆက်သွယ်ခဲ့တာ မရှိသေးပါဘူး။ သို့သော် အခု ရွေးကောက်ပွဲ ကျင်းပရမယ့် လက်ရှိအနေအထားတွေကို တိုးတက်အောင်လုပ်ဖို့ လိုအပ်နေကြောင်းနဲ့ အဲဒါမှပဲ ဂုဏ်သိက္ခာရှိတဲ့ ရွေးကောက်ပွဲ ဖြစ်လာမယ် ဆိုတဲ့အကြောင်းကိုတော့ ANFREL က ဖေါ်ထုတ်ပြောဆိုပြီး ဖြစ်ပါတယ်။ ပွင့်လင်းမြင်သာမှု၊ တာဝန်ခံမှု၊ တာဝန်ယူမှု၊ တရားမျှတမှု၊ စီမံခန့်ခွဲမှု၊ သမာသမတ်ကျမှုတွေက လွတ်လပ်ပြီး တရားမျှတတဲ့ ရွေးကောက်ပွဲ လုပ်ငန်းစဉ်တွေ ဖြစ်လာဖို့အတွက် မရှိမဖြစ် လိုအပ်တဲ့ အချက်တွေပါ။
မေး။ ။ ANFREL အနေနဲ့ ရွေးကောက်ပွဲကော်မရှင် ဒါမှမဟုတ် မြန်မာအစိုးရကို သူတို့လုပ်သင့်တာတွေနဲ့ ပတ်သက်လို့ အကြံပေးဖူးပါသလား။
ဖြေ။ ။ လူထုဆန္ဒခံယူပွဲအပြီးမှာ ANFREL က အကြံပြုချက်တချို့ လုပ်ခဲ့ပါတယ်။ ဒါပေမယ့် အခုအချိန် အတွက်တော့ ကျနော်တို့ အဖွဲ့အစည်းက မြန်မာနိုင်ငံရွေးကောက်ပွဲနဲ့ ပတ်သက်လို့ ထားရှိတဲ့ တရားဝင်ရပ်တည်ချက်ကလွဲလို့ တခြား တိုက်ရိုက် အကြံပြုချက်သဘောမျိုး မရှိသေးပါဘူး။
မေး။ ။ ရွေးကောက်ပွဲကာလမှာ မဲရုံလေ့လာသူတွေကို စစ်အစိုးရက ခွင့်မပြုတဲ့အနေအထားမှာ ခင်ဗျားတို့ရဲ့ ရပ်တည်ချက်က ဘာပါလဲခင်ဗျား။
ဖြေ။ ။ စစ်အာဏာရှင်က ဒီမိုကရေစီကို ဖိနှိပ်ချုပ်ချယ်တဲ့ တိုင်းပြည်တခုမှာတော့ ဒီလိုမျိုး ကန့်သတ်ချုပ်ချယ်မှုတွေက အံ့အားသင့်စရာတော့ မဟုတ်ပါဘူး။ ANFREL အတွက် ရွေးကောက်ပွဲကို လေ့လာစောင့်ကြည့်ဖို့ အင်မတန်ခက်ခဲပါလိမ့်မယ်။ ဒါပေမယ့် ရွေးကောက်ပွဲနဲ့ ပတ်သက်တဲ့ ဖြစ်ထွန်းမှုတွေ အားလုံးကိုတော့ ကျနော်တို့ အပြင်ကနေပြီး အနီးကပ် စောင့်ကြည့် သွားမှာ ဖြစ်ပါတယ်။
မေး။ ။ ANFREL ရဲ့ လတ်တလော ထုတ်ပြန်ချက်ထဲမှာ မြန်မာနိုင်ငံက ကျင်းပဖို့ ပြင်ဆင်နေတဲ့ ရွေးကောက်ပွဲရဲ့ ဂုဏ်သိက္ခာရှိမှုနဲ့ပတ်သက်ပြီး ပြန်လည်သုံးသပ်ဖို့ အာဆီယံအဖွဲ့ကြီးကို အကြံပေးခဲ့ပါတယ်။ ဘာအတွက်ကြောင့် ပါလဲခင်ဗျာ။
ဖြေ။ ။ မြန်မာနိုင်ငံမှာ ကျင်းပတော့မယ် ရွေးကောက်ပွဲ ဂုဏ်သိက္ခာရှိမှုနဲ့ ပတ်သက်ပြီး ပြန်လည်သုံးသပ်ဖို့ အာဆီယံ အဖွဲ့ကြီးကို ကျနော်တို့ အကြံပေးခဲ့ပါတယ်။ ဘာကြောင့်လဲဆိုတော့ တရားဝင်လုပ်ငန်းစဉ်တခုက ပိုပြီးသက်ရောက်မှုရှိလို့ပါ။ ရွေးကောက်ပွဲလုပ်ငန်းစဉ် တခုလုံး ဂုဏ်သိက္ခာရှိဖို့အတွက် အာဆီယံအဖွဲ့ကြီးက မြန်မာအစိုးရအပေါ် ဖိအားပေးဖို့ အင်မတန်ပဲ စိတ်ဝင်စားပါတယ်။ အဲဒီအချက်အပေါ် မူတည်ပြီးတော့ လွတ်လပ်ပြီး တရားမျှတတဲ့ ရွေးကောက်ပွဲဖြစ်လာစေဖို့ ဘယ်လိုဆောင်ရွက်ချက် မျိုးကိုမဆို ကျနော်တို့ ထောက်ခံသွားမှာပါ။
မေး။ ။ ရွေးကောက်ပွဲက ဘာကြောင့် လွတ်လပ်ပြီး တရားမျှတမှုမရှိဘူးလဲဆိုတာကို ညွှန်းဆိုတဲ့ အချက်တချို့ကို ပြောပြပါလား။
ဖြေ။ ။ နိုင်ငံရေးပါတီတွေနဲ့ မဟာမိတ်ပါတီတွေရဲ့ မဲဆွယ်စည်းရုံးရေး လုပ်ငန်းတွေအပေါ်မှာ မလိုလားအပ်တဲ့ ချုပ်ချယ်ကန့်သတ်မှုတွေရှိနေပါတယ်။ အဲဒီ ချုပ်ချယ်မှုတွေက လွတ်လပ်စွာ ထုတ်ဖေါ် ပြောဆိုခွင့်၊ စုရုံးခွင့်နဲ့ အသင်းအပင်း ဖွဲ့စည်းခွင့် စတဲ့ အခြေခံအခွင့်အရေး ၃ ရပ်ကို တိတိကျကျ ချိုးဖောက်တယ်လို့ မကြာသေးခင်က ထုတ်ပြန်လိုက်တဲ့ ကြေညာချက်မှာ ကျနော်တို့ ထည့်သွင်း ပြောဆိုခဲ့ပါတယ်။ ဒီအချက်တွေက ဒီမိုကရေစီရဲ့ အခြေခံ သဘောတရားတွေ ဖြစ်ကြသလို၊ ဘယ်လိုအခြေအနေ မျိုးမှာပဲဖြစ်ဖြစ် အမြဲတမ်း ဆုပ်ကိုင်ထားရမယ့် အရာတွေပါ။
ဘယ်လို ဒီမိုကရေစီ လုပ်ငန်းစဉ်မှာပဲကြည့်ကြည့် နိုင်ငံရေးပါတီတွေ၊ ပါတီကိုယ်စားလှယ်တွေ အားလုံးမှာ တခြား နိုင်ငံရေးပါတီတွေရဲ့ မူဝါဒတွေနဲ့ အရင်က သူတို့ရဲ့လုပ်ရပ်တွေနဲ့ပတ်သက်ပြီး သဘောထားပေးနိုင်တဲ့ အခွင့်အရေး၊ ဒါမှမဟုတ် ဝေဖန်ပြောဆိုနိုင်တဲ့ အခွင့်အရေး ရှိရပါတယ်။ အတိုက်အခံပါတီနဲ့ ပါတီသစ်တွေကို ခြိမ်းခြောက်မှု၊ နှောင့်ယှက်မှု၊ အကြမ်းဖက်မှု စတာတွေမရှိဘဲ လူထုရှေ့မှောက်မှာ သူတို့ရဲ့မူဝါဒတွေကို အပြည့်အ၀ ချပြခွင့်ပေးရမယ်၊ ပြီးတော့ လူထုနဲ့ မိတ်ဆက် နိုင်တဲ့ အခွင့်အရေးတွေ ပေးရမှာ ဖြစ်ပါတယ်။ ဒါတွေက ရွေးကောက်ပွဲတခု ဂုဏ်သိက္ခာရှိတယ် မရှိဘူး ဆိုတဲ့အချက်ကို ထုတ်ဖေါ်ပြသနိုင်တဲ့ အချက်များစွာထဲက အချက်တချို့ပါ။
ရွေးကောက်ပွဲ မတိုင်ခင် ဖြစ်နေတဲ့ အရာတွေကို ကြည့်မယ်ဆိုရင် ပြည်ထောင်စုရွေးကောက်ပွဲ ကော်မရှင်က အမှီအခို ကင်းမဲ့စွာ၊ လွတ်လပ်စွာ လုပ်ဆောင်နိုင်ခြင်း မရှိဘူးဆိုတဲ့အချက်နဲ့ ပတ်သက်လို့ သံသယ ရှိစရာ မလိုသလို စစ်အစိုးရ ရွေးချယ် ခန့်အပ်ထားတဲ့ ကော်မရှင်အဖွဲ့ဝင် ၁၈ ဦး ဖွဲ့စည်းထားပုံကို ကြည့်ကတည်းက သိသာပါတယ်။
တခြားအချက်တွေကတော့ စစ်တပ်က ရွေးကောက်ပွဲမှာ ပါဝင်ပတ်သက်မှု အရမ်းများလွန်းပါတယ်။ မီဒီယာ လွတ်လပ်ခွင့် မရှိပါဘူး။ အစိုးရရဲ့ အလုံးစုံထိန်းချုပ်မှုနဲ့ ဆင်ဆာ တည်းဖြတ်မှုအောက်မှာ ရှိနေပါတယ်။ အဲဒါအပြင် မဲရုံပြင်ပမဲပေးမှု၊ တင်ကြိုမဲပေးခြင်းနဲ့ မဲရေတွက်ခြင်းတွေမှာ ပွင့်လင်းမြင်သာမှု အားနည်းပါတယ်။
မေး။ ။ ရွေးကောက်ပွဲမတိုင်ခင် ပြင်ဆင်မှုတွေနဲ့ ပတ်သက်လို့ မြန်မာနိုင်ငံနဲ့ ဒေသတွင်းမှာရှိတဲ့ တခြားနိုင်ငံတွေအကြား အဓိက မတူခြားနားချက်တွေက ဘာတွေပါလဲ။
ဖြေ။ ။ မဲပေးရက်ရောက်ဖို့ ဘယ်လောက်မှ မလိုတော့ပါဘူး။ အခုအချိန်အထိ ပြည်ထောင်စု ရွေးကောက်ပွဲ ကော်မရှင်မှာ ပြည့်စုံတဲ့ မဲဆန္ဒရှင်ပညာပေး အစီအစဉ်အတွက် မပြင်ဆင်ရသေးပါဘူး။ လူထုနဲ့ ထိစပ်မှုလည်း မရှိသလို နိုင်ငံရေးပါတီ တွေမှာလည်း တန်းတူညီမျှ မီဒီယာအသုံးပြုခွင့် မရှိပါဘူး။ ဒါ့အပြင် တင်ကြိုမဲ ပေးတာနဲ့ပတ်သက်ပြီးတော့လည်း တရားဝင် ထုတ်ပြန်တာမျိုး မရှိသေးပါဘူး။ ပါတီဝန်ထမ်းတွေကို လေ့ကျင့်ပေးဖို့အတွက် ရွေးကောက်ပွဲဆိုင်ရာ လုပ်ငန်းစဉ် အဆင့်ဆင့် ဒါမှမဟုတ် စာရွက်စာတမ်းတွေကို ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ (ကြံ့ဖွံ့ပါတီ) ကလွဲလို့ ကျန်တဲ့ နိုင်ငံရေးပါတီတွေ အားလုံးကို ထုတ်ပေးထားခြင်း မရှိသေးပါဘူး။
မဲပေးခါနီးမှာ မဲရုံအရာရှိကို ဘယ်လို အထောက်အထားစာရွက်မျိုး ပြရမယ်ဆိုတာ လူတော်တော်များများက မသိသေးပါဘူး။ သူတို့ မဲပေးရမယ့် မဲရုံက ဘယ်နေရာမှာ ရှိနေတယ်၊ သူတို့နာမည် ပါ မပါ ဘယ်လိုစစ်ရမယ် ဆိုတာတောင် လူတော်တော် များများက မသိကြပါဘူး။ တကယ်လို့ မဲပေးခွင့်ရှိသူ စာရင်းမှာ သူတို့နာမည် မပါဘူးဆိုရင် ဘာလုပ်မလဲ။ မဲဆန္ဒရှင် တော်တော် များများမှာ ကြံ့ဖွံ့ ကိုယ်စားလှယ်တွေအကြောင်း သတင်းအချက်အလက် တွေတော့ ရှိပါတယ်။ ဒါပေမယ့် ပါတီအသစ်တွေအကြောင်း ဒါမှမဟုတ် အတိုက်အခံတွေနဲ့ ပတ်သက်တဲ့ အချက်အလက်တွေကို မြင်တောင် မမြင်ဖူးကြပါဘူး။ စာမတတ်တဲ့သူ တော်တော်များများက မဲဆန္ဒလွှာမှာ ဘယ်လိုမဲပေးရမယ်ဆိုတာ မသိကြဘူး။ ဘာဖြစ်လို့လဲဆိုတော့ သူတို့ကို ပြစရာ နမူနာ မဲဆန္ဒလွှာ မရှိလို့ပါပဲ။
မေး။ ။ မြန်မာနိုင်ငံ ရွေးကောက်ပွဲအတွက် ဘာကြောင့် မီဒီယာလွတ်လပ်ခွင့်က အရေးကြီးရပါသလဲ။
ဖြေ။ ။ လွတ်လပ်တဲ့မီဒီယာကြောင့်သာလျှင် ဒီမိုကရေစီစနစ် ကောင်းမွန်စွာ ဖြစ်ထွန်းနိုင်ခြင်း ရှိမရှိ ဆိုတာကို သိနိုင်ပါတယ်။ မြန်မာနိုင်ငံ အတွက်ပဲ မဟုတ်ပါဘူး။ ဒီမိုကရေစီ တိုင်းပြည်အားလုံးအတွက် မီဒီယာဟာ အစိုးရကဖြစ်စေ၊ တခြား အစုအဖွဲ့တွေကဖြစ်စေ၊ တဦးတယောက်၊ တစုတဖွဲ့ရဲ့ ထိန်းချုပ်မှုအောက်က ကင်းလွတ်ဖို့အရေးကြီးပါတယ်။ အခု မြန်မာနိုင်ငံမှာ ဖြစ်နေသလို မီဒီယာက ပါးစပ်ပိတ် ခံထားနေရတယ်ဆိုရင် နောင် ရွေးကောက်ပွဲတွေ များစွာ ဖြတ်သန်း စေဦးတော့ ဒီမိုကရေစီ ရှင်သန်နိုင်ဖို့ မဖြစ်နိုင်ပါဘူး။ မီဒီယာလွတ်လပ်ခွင့်ကို ထိန်းချုပ်ထားတဲ့ အိမ်နီးချင်း နိုင်ငံတချို့ကို နမူနာ ယူကြည့်နိုင်ပါတယ်။ အဲဒီ တိုင်းပြည်တွေကို ဒီမိုကရေစီ ဖွံ့ဖြိုးဆဲတိုင်းပြည်တွေလို့ပဲ သတ်မှတ်နိုင်ပါတယ်။
မေး။ ။ ၀န်ကြီးချုပ် ဦးသိန်းစိန် ဦးဆောင်တဲ့ ကြံ့ဖွံ့ပါတီအပေါ် ANFREL က ဘယ်လိုမြင်ပါသလဲ။
ဖြေ။ ။ ကြံ့ဖွံ့ပါတီက အစိုးရရဲ့ ထောက်ခံ ပံ့ပိုးမှုကို ရနေပါတယ်။ ပါတီရဲ့ ဖွဲ့စည်းမှု၊ အစိုးရအပေါ် မှီခိုရပ်တည်မှုတွေကို ကြည့်ခြင်းအားဖြင့် အဲဒီပါတီဟာ တခြား နိုင်ငံရေးပါတီတွေထက် မျက်နှာသာပေးမှု အလွန်အကျူး ရနေတယ်ဆိုတဲ့အချက်က ထင်ရှားပါတယ်။ ကြံ့ဖွံ့ပါတီအပေါ် စွပ်စွဲပြောဆိုချက်တွေ အများအပြားရှိပါတယ်။ ဒါပေမယ့် ကြံ့ဖွံ့ပါတီရဲ့ ခေါင်းဆောင်မှုကို မေးခွန်းထုတ်ဖို့ နေနေသာသာ အခုအချိန်အထိ အစိုးရအနေနဲ့ကော၊ ရွေးကောက်ပွဲကော်မရှင် အနေနဲ့ပါ အဲဒီ စွပ်စွဲပြောဆို ချက်တွေကို စုံစမ်းစစ်ဆေးဖို့ တစုံတရာ စိတ်ဝင်စားဟန် မရှိပါဘူး။ အကယ်၍ ကြံ့ဖွံ့ပါတီက မီဒီယာ အသုံးချခွင့် မဲဆန္ဒရှင် တွေနဲ့ ထိစပ်ခွင့် ရရှိနေတယ်ဆိုရင် တခြားပါတီတွေအနေနဲ့လည်း အဲဒီလို တပြေးညီ အခွင့်အရေး ရထိုက်ပါတယ်။ ။
“နိုဝင်ဘာလမှာ သူ (ဒေါ်အောင်ဆန်းစုကြည်) ရဲ့ ပြစ်ဒဏ်ကာလ ကုန်ဆုံးချိန်မှာ ချမှတ်ထားတဲ့ပြစ်ဒဏ်ကို သူခံယူပြီး ဖြစ်ပါ လိမ့်မယ်။ ဒီကိစ္စအပေါ် အငြင်းပွားစရာ မရှိပါဘူး” — 
